في الموضوع اللي فات طلبت من الإخوة الشعراء -زادهم الله بسطة في الشعر- إنهم يكتبوا بياناتهم (من أجل مزيد من التواصل بين الشعراء)!!!
ففوجئت إن ماحدش من الشعراء -زادهم الله بسطة في الشعر برضه- كتب أي ردّ على الموضوع، اللهم إلاّ واحد بس، دخل يبارك لي على البلوج، وهو الشاعر محمد مصطفى (ربنا يجبر بخاطره)، وكمان ماكتبش أي حاجة تخص بياناته الشعرية، ولا حتى بياناته المكرونة...
طبعاً بعد ما كتبت الموضوع ماقمتش من قدام الكمبيوتر... أنا رحت عملت لي كباية شاي وقلت لنفسي: يا واد يا رخم على ما تشرب كباية الشاي الفريسكا بتاعتك يكون عشرة خمستاشر واحد ردّوا عليك عشان -لا مؤاخذة- تتواصل معاهم...
قوم إيه، إذ أفوجأ إن مافيش ولا واحد دخل البلوج أصلاً!!! قلت يمكن العيب في كباية الشاي، فقمت عملت كباية تانية... طلع برضه الشاي مضروب... وتالته... لسه الشاي مضروب... غيّرت باكو الشاي، وباكو السكّر، وولّعت البوتاجاز بالكبريت بدل الولاّعة... 
لسه برضه مضروب....... واضح إن الشاي له تأثير كبير قوي على علاقة الشعراء بعضهم ببعض...
لسه برضه مضروب....... واضح إن الشاي له تأثير كبير قوي على علاقة الشعراء بعضهم ببعض...ولغاية الوقتي لسه مستني، وكبايات الشاي مستنية معايه، يمكن حدّ يعبّرنا...
ودا بصراحة حسسني قد إيه شعراء مصر بيحبوا التواصل بينهم وبين بعض...
يلاّ، ربنا يقدّرهم على التواصل
3 comments:
يعني بذمتك
مالقيتش غيري أنا تتواصل معاه
يا عم ماحنا بنتكعبل في بعض كل شوية
ثم إنت قلت الشعرا
أنا مالي
وهي مالي مافيهاش شعرا يا محمد؟
ههههههههههه
الأكيد
انك هتكون نقطة تحول في تاريخ الرخامة
ربنا يوفقك ويكرمك
Post a Comment